An t-Urr Dòmhnall MacAmhlaigh OBE (1926-2006)

Chaidh na bhidiothan seo a’ chlàradh ann an 2005, dìreach beagan mhìosan mus do chaochail Dòmhnall. Rugadh Dòmhnall MacAmhlaigh air Eilean Bheàrnaraigh ann an 1926. Chuir e seachad grunn bhliadhnaichean na iasgair nuair a dh’ fhàg e an sgoil. An dèidh sin bha e anns an RAF a’ dèanamh a Sheirbheis Nàiseanta agus à sin bha e san Chabhlach Mharsanta. Chuir e roimhe a bhith na mhinistear tràth sna 60an agus bha e san Oilthigh ann an Obair Dheathain. Bha Dòmhnall na mhinistear ann an Leumrabhagh ann an Ceann a Deas nan Loch eadar 1968-1988. Aig an àm seo bha e cuideachd na chomhairliche dhan sgìre agus bha e na Neach-gairm air a’ chiad chomhairle nuair a chaidh Comhairle nan Eilean Siar a’ stèidheachadh ann an 1974.